أهلاً


 
الرئيسيةالرئيسية  البوابةالبوابة  مكتبة الصورمكتبة الصور  س .و .جس .و .ج  بحـثبحـث  أهلاً بيئتىأهلاً بيئتى  ألعابألعاب  التسجيلالتسجيل  دخول  
شاطر | 
 

 وصفة لتبييض و تقشير الجســـــم*****

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سمسم
عضو الماسى


ذكر
عدد الرسائل: 2407
نقاط: 4218
تاريخ التسجيل: 05/11/2008

مُساهمةموضوع: وصفة لتبييض و تقشير الجســـــم*****   الإثنين مايو 31, 2010 8:48 pm




االسلام عليكم ورحمةالله وبركاته
ليوم موضوعي بيساعد الكثيرات وخاصة العرايس في تنظيف الجسم
وتقشيره نزلته علشان تستفيدون منه لأن الكل عارف أننا مقبلين على فترة
صيفية وأفراح والكل يبي يهتم بجسمه ويصنفره علشان يطلع في أجمل لوك وبشرة
موحده وصافية ..يعني الموضوع علشان تكون بشراتكم ناعمة كالأطفال ...

بكتبلكم وصفات أستخدمها عند الأستحمام تنعم الجسم وتصفيه وتساعد على تبيضه
وأزالة الخلايا الميتة وجميعها سهله جدا ونتايجها معايه رائعة ماشاء الله
عن تجربة..

وطبعا كلها سكرب قبل الأستحمام تختارين وحده منها ولازم قبل ماتحطينها على
جسمك تشغلين البخار اللي عندك بالحمام أو أذا ماعندك أنا أعلمك كيف تسوين
بخار بحمامك وتستفيدين منه في بيتك هذي الطريقة للبخار علمتنيها كوفيرة
الله يجزاها بالخير قالت >>> حرام كل مره تجين تسوين حمام بخار
عندنا بذيك الكلفة أنا أعلمك وعلمتني الطريقة بالتفصيل جزاها الله عني
وعنكم كل خير ..

وكنت أسويها وأخلط الطين المغربي الأبيض مع الصابون المغربي وأتعرض للبخار
وبيضتني جدا والطريقة لعمل حمام بخار في بيتك هي..

تجيبين الدافور الصغير اللي يسوون عليه الشاي والقهوة في النزهات وتولعينه
وتحطين فوقه أناء كبير نصه مويه وتخلينه في زاوية الحمام وأنتم بكرامة
وتقفلين باب الحمام وتخلينه يغلي المويه ألين البخار يتصاعد في الحمام و
يملاه بالبخار روووووووعه والله يابنات هذي الطريقة جربتها ممتازة كأنك في
حمام بخار عند الكوفيرة وعادي لمايتملى الحمام بالبخار تدخلين وتدهنين
الخلطات اللي بكتبها لك الآن لتقشير الجسم وتجلسين فيها بالبخار علشان
يستفد منها الجسم وتنزل الخلايا الميته ..
أول خلطة هي لتنعيم الجسم وتنظيفه ومع الوقت تبيض وهي..
قشور برتقال مجففه ومطحونه طحن ناعم..
شوفان كويكر(( اللي نعمل منه الشوربه))
نعناع جاف ..
سدر مطحون ..

تطحن جميعا وتوضع بعلبة جافه وقبل الأستحمام ناخذ منها الكمية اللي تناسبنا
ونخلطها بلبن زبادي (روب)وندهنها على الجسم ونخليها ألين تجف بعدين ندعكها
بالليفة المغربية نبلل الليفة وندعكها ألين تنظف وتنزل معاها الخلايا
الميته بالجسم وبعدين تكملين أستحمامك عادي وتنظفين الجسم تماما بالصابون
المغربي والليفة وتخرجين بلمعه ..

الخلطة
الثانية لتبيض الجسم وأعطائه الليونة والنعومة مع الأستمرار عليها تبيض
الجسم وتوحده وأنا ماأستغنى عنها أبدا
وهي موية ورد+ ترمس مطحون >>>>>

تطحنين الترمس وتخلينه بعلبة جافة عندك وعند الأستحمام تخلطينه بموية ورد
وتدهنين الجسم وتخلينه ألين ينشف بعدين تعملين له صنفرة بالليفة يعني
تدعكينه بالليفة علشان ينظف الجسم معاك ..>>>ممكن تغيرين موية
الورد باللبن الروب مع الترمس..

ا
الوصفة الثالثة هي..

سدر مطحون +لبن زبادي ((روب))عند الأستحمام تدهنين بها جسمك كله وتخلينها
تقريبا 10 دقايق بعدين تعملن بها تقشير لجسمك يعني تدعكينها بيدك بعدين
بالليفة وهذي الوصفة تنفع حتى للوجه روووووووعه

الوصفة الرابعة ..

دلــــــــكة للجسم بسيطة تعلمتها وحبيت أنزلها لكم لأنها ممتازة بتنظيف
الجسم ..





ملعقة صغيرة كركم (حق الجسم مو حق الاكل )
ملعقة سدرمطحون

2 ملعقة قشور برتقال مجففه ومطحونه
5 ملاعق حنا
4 ملاعق مسمار مطحون ناعم جدا
3 ملاعق سكر
تطحن وتوضع في برطمان جاف وقبل الأستحمام ناخذ منها ونخلطه بزيت لوزمر أنا
أستخدمت زيت لوز مر لأنه مفتح للجسم والآثار ويزيل البقع والكلف ممتاز جدا
اللي فيه بعكس زيت اللوز الحلوو فقط يغذي وينظف الجسم ..

المهم بعدين تعملين سكرب بهذي الخلطة للجسم تطولين وأنتي تدعكين بها الجسم
بحركات دائريه علشان ينظف وممكن تستخدمين الليفة المغربية لأفضل النتايج..

بعدين تغسلين جسمك عنها طبعا لازم وهي عليك تفتحين البخار علشان يساعد
بأزالة الخلايا الميته ..

هذي تسوينها مره كلأسبوع وتنفع للعرايس تنظف جسمك من تجربتي معاها تبين
نتايجها بالتبيض بعد شهر بالتمام ..

الخلطة
الخامسة لصنفرة الجسم ..

فنجان موية ورد

4 ملاعق قشور برتقال مجففه..
تكون الخلطة سايله قليل ندهنها على الجسم والوجه وتترك ربع ساعه على الجسم
بعدين ناخذ فنجان قهوة زيت اللوز المر ونفرك به الخلطة للي على الجسم يعني
نسوي بها سكرب وبعدين تغسلينها هذي فايدتها تنظف وتلمع الجسم مع
الأستمرارلمدة شهر تبيضه ..و

هذي
الخلطة السادسة البعض يقولها دلــكه بس موالدلكه السودانية لأ الدلكة
السودانية صعبه ولها أصولها اللي مايعرفها غير اهل السودان ..لاكن هذي دلكة
من نوع آخر

وهي..

تشد الجسم وتقشره وتنظفه وطبع كل هذا بجانب اللمعه والليونة للجسم ..


تجيبين ليمونه كبيره

+

+
فنجان قهوة زيت اللوز المر أو زيت زيتون أو السمسم شخصيا افضل زيت اللوز
أنه مفتح..

4 ملاعق سدر مطحون
تخلط مع بعض بعدين ندهنها على الجسم قبل الشور اليومي نفرك فيها جسمنا
مضبوط علشان يتشرب الجسم الزيت ونلاحظ السدر يتساقط ألين ينظف الجسم منها
وغسليها بالماء فقط علشان يحتفظ الجسم بالنعومة من الزيت ولوتبين تغسلينه
بصابونة ممكن عادي ينفع براحتك لاكن للأحتفاظ برطوبة ولمعة الزيت بجسمك
أنصحك ماتغسلين ألا بالماء وأتركي الصابون و تكررهذي العمليه لمدة أسبوع
وراح تلاحظين أنها فتحت جسمك جدا وأعطته لمعة قوية وبتدعيلي بعدها حمام
الهنا ياعروووسه ..

وهذي الخلطة السابعة وهو..سكرب للجسم قبل الأستحمام يعطي الجسم لمعة ويبيضه
وينظفه من الأوساخ من جد تحفه..

وهو((قشطة علبة ))
+
ملعقة خميرة
+
قهوة تركية ملعقة ..

تخلط مع بعض وندهنها على الجسم نخليها ألين تجف وتنشف على الجسم بعدين نفرك
فيها الجسم مظبوط حتى تنزل معاها الأوساخ ونغسلها ونكمل أستحمامنا ويفضل
عدم أستخدام الصابون بعدها للمحافظة على البياض واللمعة اللي أكتسبناها من
القشطه وباقي المكونات ونعيما ياحلووووات.....


طبعا" الموضوع بقلم أختنا العضوووة << فارسة حواء >> بمنتدى
أخر





وعن تجرررربة مني راااائعة جدا" للجسم وتخلي بشررررتك صافية وحلوووة

أن شاااء الله تستفيدوووون منه زي ماأستفدت أنا منه ..
..........................

الدلكات
تنعمل مرتين بلأسبوع ضروري للي تبي تكون بشرتها جميلة وحلووة

والمقشرات كمااااااااااااان ... عودي نفسك على كورس معين تمشي عليه
وبتشوفين النتيجة ..........

من الدلكات الرااااائعة الي جربتها


* زيت لوز + عصير ليمونة + سدر مطحون ...


* حليب دافي + سدر مطحون تخلينة حتى ينشف على وجهك وجسمك كلة


السدر ينظف بطريقة عجيبة سبحان الله أذا أستخدمتية وشفتي نتيجته

بتخلينه عادة جمالية ماتتركينها أبدا"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

وصفة لتبييض و تقشير الجســـــم*****

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهلاً :: منتدى الطب و الصحة-